Date: Jun 29, 2022

काठमाडौं । आन्तरिक राजस्व विभागले विद्युतीय माध्यमवाट कर वीजक जारी गर्न करदाताहरुलाई आग्रह गरेको छ । नेपाल सुनचाँदी ब्यवसायी महासंघको प्रतिनिधिमण्डलसँग बुधबार भएको छलफलका क्रममा विभागले विद्युतीय माध्यमवाट कर वीजक जारी गर्न ब्यवसायीलाई आग्रह गरेको हो । विभागले हालै एक सूचना प्रकाशनगरी १० करोडभन्दा बढीको कारोबार हुने करदातालाई विद्युतीय माध्यमवाट वीजक जारी गर्न आग्रह गरेको थियो । सोही बिषयमा छलफलगर्न गएको महासंघको प्रतिनिधीमण्डलसँग विभागले विद्युतीय माध्यमवाट कर वीजक जारी गर्दा हुने फाइदाका बिषयमा समेत जानकारी गराएको थियो । छलफलकाक्रममा विभागमा महानिर्देशक रितेश कुमार शाक्यले कर प्रणालीलाई समय सापेक्ष वनाउनेक्रममा पछिल्ला दुई मध्ये एक आर्थिक बर्षमा १० करोडभन्दा बढीको कारोबार हुने करदातालाई विद्युतीय माध्यमवाट कर वीजक जारी गर्न विभागले आग्रह गरेको बताउनुभयो । त्यसक्रममा महासंघका अध्यक्ष माणिकरत्न शाक्यले विद्युतीय माध्यमवाट कर वीजक जारी गर्दा ब्यवसायीलाई पर्ने कठीनाइका बारेमा जानकारी गराउनुभएको थियो । त्यसक्रममा उहाँले झण्झटिलो प्रकृयाका कारण ब्यवसायीलाई पर्ने असुविधालाई सम्वोधन गर्न विभागसँग आग्रह गर्नुभयो । त्यसक्रममा विभागका पदाधिकारीहरुले सुरुवाती चरणमा कुनै पनि बिषय अप्ठ्यारो लाग्नु स्वभाविक भए पनि यसलाई क्रमशः सहजिकरण गर्दै लजानुपर्ने खाँचो औंल्याउनुभयो । त्यसक्रममा विभागका तर्फवाट विद्युतीय माध्यमवाट कर वीजक जारी गर्दा ब्यवसायीलाई कुनै अप्ठ्यारो आइपरे विभागले सहजिकरण गर्ने प्रतिवद्धता समेत जनाइएको छ । छलफलकाक्रममा महासंघका तर्फवाट बिशिष्ट सदस्य मणिरत्न शाक्य, उपाध्यक्ष दियशरत्न शाक्य, महासचिव धर्मशुन्दर बज्राचार्य लगायतको सहभागिता रहेको थियो । त्यसक्रममा नेपाल सुनचाँदी रत्न तथा आभुषण महासंघ र काठमाडौं सुचाँदी ब्यवसायी संघका पदाधिकारीहरुको पनि सहभागिता रहेको थियो ।

सुनचाँदी ब्यवसायीलाई गोएएमएल सफ्टवेयर सञ्चालनबारे प्रशिक्षण

बजेटले गरेको नयाँ ब्यवस्थाप्रति सुनचाँदी ब्यवसायीको असन्तुष्टि, बजेट नियन्त्रणमुखी र विभेदकारी भएको

औद्योगिक वातावरण सुधार गर्न प्रतिवद्धछौंः वाणिज्य मन्त्री रिजाल

मुलुकको आर्थिक विकासकालागि सवैको साथ आवश्यक छः अर्थमन्त्री महत

खानी उत्खनन् र रिफाइनरी सेन्टर सञ्चालनमालागि निजी क्षेत्रलाई वाटो खोल्न सरकार तयार

सुनचाँदी ब्यवसायलाई घरेलु उद्योगकोरुपमा विकास गर्न सकिन्छः राष्ट्रपति पौडेल

नेपाल सुनचाँदी ब्यवसायी महासंघको दशौं स्थापना दिवस भब्यताका साथ सम्पन्न

सुनका गरगहनाको कारोबार गर्ने ब्यवसायी लाई अपराधि जस्तो ब्यवहार गर्न थालियोः नेपाल सुनचाँदी ब्यवसायी

नेपाल सुनचाँदी ब्यवसायी महासंघका सल्लाहकारहरु सम्मानीत

बजारको आवश्यकता अनुसार सुन चाँदी उपलब्ध गराउन प्रतिवद्ध छौंः गभर्नर अधिकारी