Date: Mar 14, 2021

तुलसीपुर- नेपाल सुनचाँदी व्यवसायी महासंघका केन्द्रिय अध्यक्ष माणिकरत्न शाक्यले आफुहरुको लगानीको सुरक्षा हुनु पर्ने बताउनु भएको छ । आफुहरुको करोडौ लगानीको सुरक्षाको अनुभुति गर्न नसकिएको बताउदै उहाले राज्यले उचित निति निर्देशिका निर्माण गरी सुरक्षाको बातारण तयार गर्नुपर्ने बताउनु भएको छ । उहाले गुणस्तरिय , मुल्य निर्धारण र उपभोक्ताहरुको आबश्यकलाई परिपुर्ति गर्न आफुहरु तयार भएको बताउदै उहाले व्यवसायीमा ढुक्कले लगानी गर्ने बाताबरण नभएको बताउनु भएको हो । तुलसीपुर दाङ सुनचाँदी व्यवसायी संघको १३ औँ साधारण सभा तथा पदभार ग्रहण कार्यक्रमलाई शनिवार तुलसीपुरमा सम्वोधन गदै उहाले यस्तो बताउनु भएको हो । संघका अध्यक्ष मदन कुमार केसीको अध्यक्षतामा भएको कार्यक्रमका प्रमुख अतिथि समेत रहनु भएका अध्यक्ष शाक्यले कोरोना माहामारीले लामो समय सुनचाँदी पसल बन्दा भएको र स्थिति सामान्य बन्दै गए पनि अहिले कच्चा पदार्थको अभाव हुने गरेको बताउनु भएको छ । उपभोक्ताको आबश्यकता पहिलो प्राथमिकता सुनचाँदी भएको र पछिल्नो समय यसको अभाव हुने गरेको उहाको भनाई थियो । साथै उहाले सुनचाँदीमा काम गर्ने कालीगढहरुको सिप र क्षमता विकास गर्नका लागी तालिम केन्द्र स्थापना गर्न सातै प्रदेशमा प्रस्तावना पेश गरेको बताउनु भएको छ । दक्षजनशक्ति उत्पादन भएमा उपभोक्ताहरुको चाहाना अनुसार आफुहरुले गुणस्तरिय सेवा दिन सकिनेमा जोड दिनु भएको हो । कार्यक्रममा महासंघका केन्द्रिय कोषध्यक्ष सुदिप श्रेष्ठ लगायतको उपस्थिति थियो । सोहि अवसरमा बोल्दै केन्द्रिय कोषाध्यक्ष सुदिप श्रेष्ठले सुनचादी व्यवसायीको खरिद विक्रिका लागी राज्यले सहज बातावरण तयार गर्नुपर्ने माग गर्नु भएको छ । कार्यक्रममा केन्द्रिय सदस्यहरु लोक बहादुर स्वर्णकार,बालकृष्ण विक,ईलाका प्रहरी कार्यालय तुलसपिुरका प्रमुख डिएसपी सिंब बहादुर सिंह, लुम्बिनी प्रदेश सुनचाँदी व्यवसायी संघका अध्यक्ष बुद्धि बहादुर विक, सचिव डिलव खाती, सुनचाँदी व्यवसायी संघका संस्थापक घनश्याम सेपाईली, नेपाल राष्ट्रिय दलित समाज कल्याण संघका केन्द्रिय उपाध्यक्ष जोगेन्द्र विश्वकर्मा लगाएतले बोल्नु भएको थियो । सो अवसरमा विभिन्न संस्था तथा व्यक्तिहरुलाई सम्मान गरिएको थियो भने मायाको चिनो समेत प्रदान गरिएको थियो । संघका महासचिव हरिकृष्ण विकको स्वागत मन्तव्यबाट सुरु भएको कार्यक्रमको सहजीकरण रिपोर्टस क्लव दाङका अध्यक्ष शरद रेग्मीले गर्नु भएको थियो । पदभार तथा सपथ ग्रहण गएको फागुन १५ गते सम्पन्न भएको संघको अधिबेशनले सर्वसम्मत रुपमा नयाँ कार्यसमिति चयन गरेको छ । आगामी नेतृत्वका लागी सर्वसम्मत नयाँ कार्यसमिति चयन गरिएको थियो ।संघको अध्यक्षमा हरिकृष्ण विकलाई सर्वसम्मत निर्वाचित हुनु भएको छ । यस्तै उपाध्यक्षमा तिन जनालाई चयन गरिएको छ । जसमा ईन्द्रविर डाँगी, शंकर स्वर्णकार र मनोज शाह रहनु भएको छ । यस्तैगरी महासचिवमा तुलसीराम सुनार, सचिवमा लोक बहादुर विश्वकर्मा, कोषाध्यक्षमा पुष्कर सुनार, सहकोषाध्यक्षमा माया शाहु चयन हुनु भएको छ । यस्तै सदस्यहरुमा लिला वली, ओविराम विश्वकर्मा, मोहन विश्वकर्मा, पर्शुराम सुनार, जनक कुमार सेपाईली, बन्दना भण्डारी र हिरालाल सुनार रहनु भएको छ ।

नेपाल सुनचाँदी ब्यवसायी महासंघका सल्लाहकारहरु सम्मानीत

बजारको आवश्यकता अनुसार सुन चाँदी उपलब्ध गराउन प्रतिवद्ध छौंः गभर्नर अधिकारी

ब्यवसायीक सुरक्षाको प्रत्याभूति दिलाउन सुनचाँदी ब्यवसायीको आग्रह

प्रादेशिक संरचना अनुसार सुन वितरणको ब्यवस्था मिलाउन आग्रह

वहुमुल्य वस्तुको कारोबार र त्यसको ब्यवस्थापनका बिषयमा छलफल सम्पन्न

सुनचाँदी ब्यवसाय प्रवर्धन र प्रविधि हस्तान्तरणकालागि इण्डियन इन्टरन्यासनल ज्वेलरी शो उपलब्धिमूलक

सुुनचाँदी ब्यवसायका लागि आवश्यक नीति बनाउन सरकार तयार छः मन्त्री वडु

विद्युतीय माध्यमवाट कर वीजक जारी गर्न आन्तरिक राजस्व विभागको आग्रह

सुनचाँदी व्यवसाय सम्बन्धी कानून निर्माणको लागि आग्रह

विद्युतीय माध्यमवाट बीजक जारी गर्ने बिषयमा आन्तरिक राजस्व विभागसँग महासंघले गर्यो परामर्श